Kynningarfundur verður vegna raunfærnimats í:
- húsasmíði - pípulögnum - vélvirkjun - stálsmíði - rennismíði og blikksmíði

miðvikudaginn 18. janúar kl.17:00 að Skúlatúni 2, 6.hæð.

Inntökuskilyrði í raunfærnimat er 25 ára lífaldur og 5 ára starfsaldur staðfestur með opinberum gögnum. Frekari upplýsingar er hægt að finna á http://idan.is/radgjof/raunfaerni/ .

 

Námsvísir vorannar er kominn á netið. Hann er í prentun og mun berast til félagsmanna okkar á næstunni. Öll námskeið eru komin inn á netið og er hægt að skrá sig þar beint eða hringja í síma 590-6400. Auk hefðbundinna námskeiða eru mörg ný námskeið í boði og vonumst við til að allir finni eitthvað við sitt hæfi.

Hægt er að nálgast námsvísinn hér

Við hlökkum til að starfa með ykkur á komandi önn.

Starfsfólk IÐUNNAR fræðsluseturs

Styrkir til vinnustaðanámsVið viljum vekja athygli á því að mennta- og menningarmálaráðuneytið hefur auglýst eftir umsóknum um styrki til fyrirtækja eða stofnana sem taka nemendur í vinnustaðanám. Markmið styrkjanna er að hvetja fyrirtæki eða stofnanir til þess að taka við nemendum sem stunda vinnustaðanám sem hluta af námi á framhaldsskólastigi og gera þeim kleift að ljúka tilskildu vinnustaðanámi samkvæmt aðalnámskrá framhaldsskóla. Nánari upplýsingar er að finna á vefsvæði ráðuneytisins http://www.menntamalaraduneyti.is/frettir/Forsidugreinar/nr/6507

Dagana 14. - 16. desember  eru haldin sveinspróf í húsamíði í Smiðju Fjölbrautaskólans í Breiðholti. Próftakar eru að þessu sinni 29 talsins og koma þeir víðs vegar  að landinu.  Sveinsprófsstykkið er snúinn stigi og verða próftakar að teikna upp stigann og skila honum fullsmíðuðum á 20 tímum. Ennfremur taka nemendur tveggja tíma skriflegt próf þar sem þeir  svara almennum spurningum úr faginu og sýna fram á kunnáttu sína og þekkingu á faginu.

Aðbúnaður húsasmíðabrautar Fjölbrautaskólans í Breiðholti er mjög góður hentar vel til að halda sveinspróf.

 Á myndinni má sjá Guðrúnu Hrefnu Guðmundsdóttir skólameistara FB og þá Kristján Bjartmars, Braga Finnbogason og Finn Jón Nikulásson sem skipa sveinsprófsnefndina og Stefán Rafnar Jóhannsson fagstjóra húsasmíðabrautar.

Sveinspróf verða haldin í desember, janúar og febrúar.

Prentstaður íslenskra bóka 2011

Bókasamband Íslands hefur gert könnun á prentstað íslenskra bóka sem getið er í Bókatíðindum Félags íslenskra bókaútgefenda 2011. Fjöldi titla sem prentaðir eru innanlands dragast saman um rúmlega 3 prósentustig milli ára en árið 2010 var 71,4% hlutfall á prentun bókatitla innanlands.

Heildarfjöldi prentaðra bókatitla er 690 í Bókatíðindunum í ár en var 710 árið 2010

 

Skoðað var hvert hlutfall prentunar innanlands og erlendis er eftir flokkum. Þar kemur fram að stór hluti barnabóka er prentaður erlendis en það er m.a. vegna þess að samprent er algengt í útgáfu barnabóka þar sem prentað er sameiginlega fyrir mörg lönd.

 

·      Fræðibækur, bækur almenns efnis og listir eru alls 203; 148 (73%) eru prentaðar á Íslandi og 55 (27%) prentaðar erlendis.

·      Skáldverk, íslensk og þýdd, eru 182; 156 (86%) prentuð á Íslandi og 26 (14%) prentuð erlendis.

·      Saga, ættfræði, ævisögur, handbækur, matur og drykkur eru alls 110; 83 (75%) prentaðar á Íslandi og 27 (25%) prentaðar erlendis.

·      Barnabækur, íslenskar og þýddar, eru alls 195; 83 (43%) prentaðar á Íslandi og 112 (57%) prentaðar erlendis.

Fjöldi titla            %

Ísland            470                        68,1

Asía              119                        17,2

Evrópa          100                        14,6

Annað                 1                        0,1

Samtals           690                    100%

 

Katrín Jakobsdóttir mennta- og menningarmálaráðherra úthlutaði í gær styrkjum til fyrirtækja og stofnana sem taka nemendur í vinnustaðanám. Þetta er merkur áfangi í eflingu starfsnáms í landinu en samtals var úthlutað 57 milljónum til 65 fyrirtækja og njóta um 170 nemar góðs af þessari fyrstu úthlutun. Ingólfur Haraldsson hótelstjóri á Hilton Nordica tók á móti styrknum fyrir hönd síns fyrirtækis.

Undirbúningsnámskeið vegna prófs til leyfis sölu notaðra bifreiða verður haldið í Reykjavík 7.-23. nóvember 2011.