Nemakeppnin í matreiðslu og framreiðslu fór fram í Hótel- og matvælaskólanum þriðjudaginn 30. október. Samtals tóku 15 matreiðslunemar þátt í keppninni og fjórir framreiðslunemar. Sigurvegarar í framreiðslu urðu þær Tinna Óðinsdóttir nemi á JT-veitingum og Ylfa Sigþrúðardóttir nemi á Einari Ben. Í keppni matreiðslunema urðu hlutskarpastir þeir Davíð Örn Hákonarson nemi á VOX og Garðar Óli Gylfason nemi á Silfri.

Félag blikksmiðjueigenda og Ísloft ehf buðu nemendum í málmiðnabraut Borgarholtsskóla í heimsókn. Strákarnir fóru vítt og breitt um Ísloft og kynntu sér starfsemina. Verulegur hluti hennar snýst um framleiðslu og uppsetningu loftræsikerfa. Smíðavinnan felst m.a. í formun plötuefnis í stórar einingar, stokka og aðra íhluti í tölvustýrðum vélum.

 

Lokið er fimm mismunandi suðunámskeiðum námskeiðum hjá Málm- og véltæknisviði IÐUNNAR.  Námskeiðin voru í Ál suðu, MIG- brasing og CMT.  Yfir fjörutíu manns sóttu námskeiðin.

George Thomas, forstjóri Oxford University Press heldur fyrirlestra og málstofur 9. nóvember nk. George hefur náð undraverðum árangri í rekstri prentsmiðju Oxford bókaútgáfunnar. Hann hefur ma. aukið hagnað um 58% og sölu um 33% á sama tíma og starfsmannafjöldi hefur eingöngu vaxið um 4%. Þá hefur hann náð miklum árangri í ráðningum starfsmanna og lækkað starfsmannaveltu niður í 4%.

                                                                                                                        
Nú er verkefnið Bættu um betur í húsasmíði að hefjast að nýju og hvetjum við áhugasama að mæta miðvikudaginn 24. október, kl. 18:00 að Hallveigarstíg 1, 101 Reykjavík og kynna sér það nánar. Einnig eru frekari upplýsingar á heimasíðu IÐUNNAR undir námsráðgjöf, http://www.idan.is/radgjof

Mikil ánægja var með námskeiðið Létt og gott í hádeginu með Marentzu Poulsen. Eldaðar voru dýrindis....

Málm-og véltæknisvið IÐUNNAR vígði glæsilega aðstöðu til suðuþjálfunar á Gylfaflöt 19 í dag. Gústav Adolf Hjaltason málmtæknifræðingur sýndi gestum nýjustu tækni við málmsuðu og leyfði viðstöddum að grípa í græjurnar.  Aðstaðan gerir kleift að kenna nemendum TIG suðu, koparbras og silfurkveikingu, MIG/MAG suðu, pinnasuðu og logsuðu. Næsta námskeið verður haldið í álsuðu 16. október. Skráning hér.

 

Ingi Erlingsson, ungur hönnuður sem starfar í London hélt hádegisfyrirlestur í Bláa salnum í húsnæði Háskólans í Reykjavík (gamla Morgunblaðshúsinu) í dag. Ingi fjallaði um hugmyndavinnuna á bak við auglýsingagerðina, sköpun persóna og ,,storyboard" við auglýsingu sem unnin var fyrir Umferðarstofu í sumar. Ingi starfar hjá auglýsingastofunni ilovedust í London og er yfirmaður hreyfimyndadeildar þeirra. Ingi starfaði áður í New York og lauk námi í grafískri hönnun frá College for the Creative Arts í London fyrir rúmu ári. Fyrirlesturinn var vel sóttur. Næsti hádegisfyrirlestur er áætlaður  9. nóvember með George Thomas, forstjóra Oxford University Press.

Kynningarfundur verkefnanna Bættu um betur í framreiðslu og kjötiðn verður haldinn 11. október 2007, kl. 16:00 í húsakosti IÐUNNAR fræðslusetur, Hallveigarstíg 1, 101 Reykjavík.

                                                           

Hermann Þórðarson kenndi nokkrum nemendum um efnainnihald og mælingar á vatnsverki prentunar á námskeiði prenttæknisviðs í dag. Einnig fjallaði Hermann um samsetningu fount lausnar og alkohólfría prentun. Námskeiðið var samvinnuverkefni Nýsköpunarmiðstöðvar Íslands og IÐUNNAR fræðsluseturs.
Markmiðið með námskeiðinu var að freista þess að byggja upp þekkingu á efnafræði vatns fyrir prentun innanlands. Hingað til hefur þessi þekking verið sótt til erlendra fyrirlesara.  Námskeiðið tókst með ágætum og verður framhald á vorönn 2008.

Námskeiðið ,,Bestu aðferðir rekstrar" hófst stundvíslega klukkan 14.00 í dag. Tólf þátttakendur eru skráðir til leiks og kennari er Jón Hreinsson, fjármálastjóri Nýsköpunarmiðstöðvar Íslands. Námskeiðið er hið fyrsta af tveimur námskeiðum á haustönn sem aðildarfélögum IÐUNNAR standa til boða við Háskólann í Reykjavík. Á þessu námskeiði verður veitt yfirlit yfir rekstraraðferðir, fjármálastjórnun og framleiðslustjórnun í iðnaði. Seinna námskeiðið hefst 29. október og fjallar um mannauðsstjórnun. Námskeiðin eru sérsniðin fyrir stjórnendur og verðandi stjórnendur í iðnaði og eru hluti af samningi milli IÐUNNAR fræðsluseturs og Háskólans í Reykjavík sem undirritaður var síðastliðið vor.    

IÐAN fræðslusetur heldur iðntölvunámskeið PLC.

Frábært iðntölvunámskeið er í gangi hjá málm- og véltæknisviði Iðunnar. Mikil ásókn hefur verið í iðntölvunámskeið Iðunnar.  Annað námskeiðið á haustönn er í gangi núna og það þriðja verður haldið á Reyðarfirði í næstu viku. Líkur eru á að það fjórða verði sett upp nú á haustönn. Þeir sem vilja taka þátt verða að skrá sig sem fyrst.

Skráning á Idan.is  eða kristjankr@idan.is og í síma: 5906400

Dagana 5. - 7. október voru haldin sveinspróf í vélvirkjun.

Sveinsprófin voru haldin á Akureyri og í Reykjavík. Alls voru 28 sveinsprófstakar.

Mynd úr sveinsprófinu

 

AutoCAD-námskeið IÐUNNAR hafa verið vel sótt í haust. Tveimur Autocad- námskeiðum er lokið auk Inventor-námskeiðs. 

 

Sandee Cohen hóf kennslu á InDesign í dag með fullskipuðu námskeiði. Sandee er líflegur kennari og var ekki annað að sjá en nemendur hennar lifðu sig inn í námsefnið.

Sandee kennir InDesign fyrir lengra komna 4. og 5. október og Illustrator fyrir lengra komna 8. og 9. október.

 

Málm- og véltæknisvið hélt sitt fyrsta námskeið hjá Alcoa Fjarðaáli í september s.l. Kennari er Kristján Haukur Flosason sem vinnur nú ásamt Kristjáni Kristjánssyni MVS að þróun námskeiðs í iðntölvustýringum.

Hin árlega nemakeppni í matreiðslu og framreiðslu fer fram við Hótel- og matvælaskólann þriðjudaginn 30. október nk. Umsóknarfrestur til þess að sækja um rennur út 24. október nk. Sækja um hér.