Bókaútgáfan Iðnú hyggst gefa út Handbók um prentmiðlun næsta haust. Bókin er vegleg í alla staði, á fjórða hundrað blaðsíður með fjölda ljósmynda og skýringarmynda. Í bókinni er farið rækilega í gegnum alla þætti prentmiðlunar, hönnunar, forvinnslu, prentunar og bókbands. Bókin mun nýtast til kennslu við Iðnskólann í Reykjavík auk annarra skóla sem kenna hönnun og miðlun prentgagna. Í bókinni verður kafli um höfundarrétt prentgagna og hönnunar. Það mun vera í fyrsta sinn sem slíkar upplýsingar eru teknar saman og íslenskaðar  utan lagatexta.