Að þessu sinni var 7 nemum afhent sveinsbréf í grafískri miðlun, tveimur í prentun og einum í bókbandi. Katrínu Jónsdóttur voru veitt verðlaun fyrir framúrskarandi árangur á sveinsprófi í grafískri miðlun. Katrín hlaut 10 í einkunn og er það hæsta einkunn sem veitt hefur verið fyrir árangur á sveinsprófi. 

Nemum í prentun og bókbandi hefur farið fækkandi á síðustu árum. Það sama á við um sumar aðrar iðngreinar. IÐAN fræðslusetur hefur lagt drög að kynningarátaki og öðrum verkefnum til að stuðla að viðgangi þeirra iðngreina sem eiga erfitt uppdráttar.