Rennismíði

Um námið

Meginmarkmið námsins er að veita nemendum þekkingu og færni til þess að geta framkvæmt öll þau vinnuferli sem eru á verksviði rennismiða, þ.e. hönnun og nýsmíði íhluta til notkunar í tækjum og vélum.
Nám í málmiðngreinum er skipulagt með þeim hætti að nemendur innritast í sameiginlegt tveggja ára grunnnám og að því loknu í sérnám í málmiðngreinunum (blikksmíði, rennismíði, vélvirkjun eða stálsmíði).

Þessir skólar kenna grunnnám málmiðna: Tækniskólinn, Borgarholtsskóli, Fjölbrautaskóli Vesturlands, Menntaskólinn á Ísafirði, Fjölbrautaskóli Norðurlands vestra, Verkmenntaskólinn á Akureyri, Verkmenntaskóli Austurlands, Fjölbrautaskóli Suðurlands, Framhaldsskólinn í Vestmannaeyjum, Fjölbrautaskóli Suðurnesja, Iðnskólinn í Hafnarfirði.

Meðalnámstími er fjögur ár að meðtöldu grunnnámi málmiðngreina, samtals sex annir í skóla og 60 vikna starfsþjálfun.
Námið er alls 177 einingar og lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs.

Rennismíði er löggilt iðngrein og er kennd í Borgarholtsskóli og Iðnskólanum í Hafnarfirði.

Helstu námsgreinar

Sérgreinar tengdar iðninni s.s. efnisfræði, grunnteikning, handavinna, rennismíði og tölvustýrðar vélar.
Almennar bóklegar greinar eins og íslenska, stærðfræði og erlend tungumál.
Verkleg þjálfun og tilsögn hjá meistara í faginu.

Sjá nánar Aðalnámskrá framhaldsskóla – Starfsnámsbrautir.