Smurbrauðsgerð

Um námið

Meginmarkmið námsins er að nemendur hljóti nauðsynlega þekkingu, skilning og færni til að mæta kröfum neytenda um holla, gómsæta, girnilega og fagurlega framsetta brauð- og smárétti.
Meðalnámstími er þrjú ár, samtals þrjár annir í skóla og 80 vikna starfsþjálfun.
Námið er alls 140 einingar og lýkur með fagprófi er veitir rétt til starfa í iðninni.

Nám í smurbrauði er kennt í Hótel- og matvælaskólanum í Kópavogi.

Helstu námsgreinar

Sérgreinar tengdar iðninni s.s. bakstur fyrir smurbrauð, matreiðsla, næringarfræði og tungumál fyrir matvæla- og veitingagreinar.
Almennar bóklegar greinar eins og íslenska, stærðfræði og erlend tungumál.
Verkleg þjálfun og tilsögn hjá meistara í faginu.

Sjá nánar Aðalnámskrá framhaldsskóla – Starfsnámsbrautir.