Grafísk miðlun (prentsmíði)

Um námið

Grafísk miðlun (prentsmíði) er löggilt iðngrein. Meðalnámstími er 3 ár að meðtöldu grunnnámi upplýsinga- og fjölmiðlagreina, samtals 4 annir í skóla og 48 vikna starfsþjálfun.

Meginmarkmið námsins er að gera nemendum kleift að öðlast þá þekkingu og færni sem prentsmiðum er nauðsynleg í störfum sínum, m.a. við móttöku á fjölmiðlaefni, texta og myndefni og frágangi á því til prentunar eða birtingar. Náminu lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs.

Grafísk miðlun er löggilt iðngrein og er kennd í Tækniskólanum.

Helstu námsgreinar

Í náminu er fjallað um grafíska hönnun og framsetningu efnis fyrir prent-, net- og skjámiðla. Áhersla er m.a. á prentsmíð, týpógrafíu og grafíska hönnun, umbrot, margmiðlun og textameðferð, stafræna uppbyggingu mynda og litstýringu.