Netagerðarmaður

Hefur þú áhuga á:
- sjómennsku,
- veiðum,
- veiðarfærum.

Þá gæti starf netagerðarmanns verið fyrir þig.

Það sem netagerðarmaður gerir er:
- sér um hönnun, framleiðslu, viðhald og viðgerðir á veiðarfærum.
- gerir líkan af veiðarfærum.
- teiknar veiðarfæri og eldiskvíar.
- saumar og leysir saman einstaka netahluta veiðarfæris.
- útbýr fótreipi, festir flot þar sem við á og þyngir veiðarfærið eftir þörfum með blýi eða öðrum efnum.
- mælir alla hluta veiðarfæris með tilheyrandi mælitækjum, sker til net, kaðla, víra og keðjur eftir teikningu.
- vinnur með útgerðar-, sjó- og fiskeldismönnum að gangkvæmri miðlun upplýsinga.

Netagerðarmenn starfa í netagerðum, veiðarfæraverkstæðum eða öðrum fyrirtækjum sem sérhæfa sig í búnaði fyrir fiskiðnað. 

Netagerð er löggilt iðngrein og er kennd í Fjölbrautarskóla Suðurnesja. 

Til að kanna laun netagerðarmanna er best að skoða heimasíðu Félags vélstjóra og málmtæknimanna.