Prentsmiður

Prentsmíð (grafísk miðlun) er löggilt iðngrein. Prentsmiðir annast forvinnslu prentgripa: hönnun, umbrot og myndvinnslu, þ.e. allt frá því hugmynd að prentgrip kviknar þar til hann er tilbúinn til prentunar í prentvél. Viðfangsefni prentsmiða skipast í aðalatriðum í þrennt. Umbrot og gagnavinnslu, myndvinnslu og útlitsteiknun og hönnun. Öll þessi vinna prentsmiða er nú meira eða minna gerð í tölvum. Prentsmiðir nota mikið teikni-, myndvinnslu- og umbrotsforrit við störf sín.

Eftir að nýtt námsskipulag í upplýsinga- og fjölmiðlagreinum tók gildi haustið 2000 er ekki lengur hægt að læra til prentsmiðs, þar sem kennsla í prentsmíð var felld undir [grafíska miðlun].