Rafeindavirki

Hefur þú áhuga á:
-  tölvum,
- rafmagnstækjum,
- að vinna með höndunum.

Þá gæti starf rafeindavirkja verið fyrir þig.

Rafeindavirki vinnur með almenn rafeindatæki svo sem tölvur, hljómflutningstæki, sjónvarpstæki, loftnet og gervihnattabúnað.

Það sem rafeindavirki gerir er:
- gerir við rafeindatæki svo sem tölvur, sjónvörp og hljómflutningstæki.
- setur upp rafeindabúnað sem notaður er í skipum, flugvélum og öðrum farartækjum svo sem talstöðvar, sjálfstýribúnað, ratsjártæki og fiskileitartæki.
- setur upp loftnet og gervihnattamóttökubúnað .
- gerir við rafeinda- og örtölvustýrðan búnað.
- setur upp og sér um viðhald á fjarskipta og dreifikerfum, meðal annars, símstöðvum, dreifikerfi útvarps- og sjónvarpsstöðva og gagnanet fyrir tölvur. 

Rafeindavirkjun er löggilt iðngrein og er kennd í Tækniskólinn.

Til að kanna laun rafeindavirkja er best að skoða heimasíðu Rafiðnaðarsambands Íslands.