Gull- og silfursmíði

Gull- og silfursmíði er sérstök iðngrein sem kennd er í iðnskóla og í fyrirtækjum undir leiðsögn meistara.
Nám í gull- og silfursmíði er fjögurra ára samningsbundið nám, fimm annir í iðnskóla samtals 98 einingar og 72 vikna starfsnám.

Vinna með skóla er metin sem starfsþjálfun að uppfylltum eftirfarandi skilyrðum.
Nemi sem ekki er í fullu námi (20 ein.) getur unnið með skóla og fengið þann tíma metinn til styttingar í vinnustaðaþjálfun.
"Sannanleg vinna með skóla styttir námstíma skv. eftirfarandi reglu; nemi í 10 eininga námi á önn fær metna 22 klst. vinnu á viku til styttingar á námstíma, nemi í 15 eininga námi á önn fær metna 11 klst. vinnu á viku o.s.frv. Miðað er við að samanlögð vinna (skóli + starf) fari ekki yfir 44 klst. á viku."
Aðalnámskrá framhaldsskóla
Almennur hluti - 1999

Sjá námskrá í Gull- og silfursmíði, 2005.

Markmið námsins er að gera nemendum kleift að öðlast þá leikni og faglegu þekkingu sem krafist er til sveinsprófs eftir að hafa lokið tilskildum einingafjölda og vinnustaðaþjálfun.

Á Norðurlöndum og í Þýskalandi eru skólar á framhalds- og háskólastigi sem viðurkenndir hafa verið af menntamálaráðuneytinu og Félagi íslenskra gullsmiða.

---