Málm- véltækni- og framleiðslugreinar

Nám í málmiðngreinum er skipulagt með þeim hætti að nemendur innritast í sameiginlegt tveggja ára grunnnám málmiðngreina. Að því loknu geta þeir innritast í sérnám í málmiðngreinunum blikksmíði, rennismíði, vélvirkjun eða stálsmíði. Um er að ræða löggiltar iðngreinar og lýkur náminu með sveinsprófi sem veitir rétt til starfa í iðninni og til inngöngu í nám til iðnmeistaraprófs.

Blikksmíði - 6 annir í skóla og 60 vikna samningsbundin starfsþjálfun.
Rennismíði - 6 annir í skóla og 60 vikna  samningsbundin starfsþjálfun.
Stálsmíði - 6 annir í skóla og 60 vikna  samningsbundin starfsþjálfun.
Vélvirkjun - 6 annir í skóla og 60 vikna  samningsbundin starfsþjálfun.

Málmsuða er löggilt iðngrein og er undirgrein í stálsmíði. Meðalnámstími er fjórar annir en einnig er hægt að taka valda hluta þess og sérhæfa sig í ákveðnum sviðum. Málmsuðumenn eiga þess ekki kost að stunda nám í meistaraskóla nema þeir ljúki einnig námi í stálsmíði.

Netagerð - 3 annir í skóla og 72 vikna starfsþjálfun. Greinin er löggilt iðngrein þar sem náminu lýkur með sveinsprófi sem veitir rétt til starfa í iðninni og til inngöngu í nám til iðnmeistaraprófs.