Nemaleyfi

Nemaleyfisnefndir hafa verið skipaðar í matvæla- og veitingagreinum, málm-og véltæknigreinum og snyrtigreinum. IÐAN fræðslusetur hefur umsýslu með umsóknum um nemaleyfi.

Nánari upplýsingar og umsóknareyðublöð eru á síðum viðkomandi iðngreina.

9. gr. reglugerðar um námssamninga og starfsþjálfun.
Menntamálaráðherra veitir einstökum vinnustöðum viðurkenningu til að taka nema í starfsþjálfun eða á námssamning samkvæmt reglum sem settar eru að fengnum tillögum starfsgreinaráðs.
Starfsgreinaráð getur óskað eftir því að menntamálaráðherra skipi sérstaka nefnd er fjalli í umboði hans um umsóknir einstakra vinnustaða eða meistara um heimild til að taka nema í starfsþjálfun eða á námssamning og afgreiða þær. Menntamálaráðherra setur nefndunum erindisbréf.