Bættu um betur

Hefur þú áhuga á raunfærnimati í þinni grein?
Raunfærnimat hefur farið fram í eftirfarandi greinum: 

Bifvélavirkjun                    Bifreiðasmíði                 Bílamálun                
Blikksmíði                         Framreiðslu                   Hársnyrtiiðn            
Húsasmíði                         Kjötiðn                          Kjötskurð Málaraiðn                         Matartækni                    Matreiðslu 
Múraraiðn                         Pípulögnum                   Stálsmíði
Vélvirkjun                         

Ef þú hefur áhuga hafðu þá samband við náms- og starfsráðgjafa okkar.

Margir einstaklingar á vinnumarkaðnum hafa í gegnum áralanga reynslu byggt upp umtalsverða færni í ákveðinni iðngrein, en ekki lokið námi af einhverjum ástæðum. Þessir einstaklingar búa yfir raunfærni sem vert er að skoða og meta. Raunfærni er samanlögð færni sem einstaklingur hefur náð með ýmsum hætti, s.s. starfsreynslu, starfsnámi, frístundanámi, skólanámi, félagsstörfum og fjölskyldulífi.

Mat á raunfærni byggir á þeirri hugmynd að nám fari ekki eingöngu fram innan formlega skólakerfisins heldur í alls konar aðstæðum en að allt nám sé verðmætt og að það sé skjalfest óháð því hvar þess hefur verið aflað. Tilgangur raunfærnimats er að draga fram og meta fjölbreytilega raunfærni sem einstaklingurinn býr yfir. Og aðstoða einstaklinginn við að brautskrást úr skóla.