Raki og mygla í húsum með Sylgju Dögg Sigurjónsdóttur

Sylgja hefur starfað við byggingariðnaðinn í hartnær 16 ár og vinnur nú sem ráðgjafi hjá Eflu verkfræðistofu. Hún er sérfræðingur í raka- og mygluskemmdum og þekkir það af eigin raun að búa í rakaskemmdu húsnæði. Það var einmitt sú lífsreynsla sem olli því að hún sérhæfði sig á þessum vettvangi að eigin sögn.

„Í sögulegu samhengi þá er mygla í húsnæði ekkert nýtt" segir Sylgja. Torfbæirnir okkar í gamla daga voru vafalaust með raka sem er frumorsök myglu, en hún bendir einnig á að það er annað vistkerfi í húsum sem eru nær náttúrunni en húsum í dag með okkar nýju byggingarefnum. 

Þekking á raka- og myglu í húsnæði var lengi vel af skornum skammti en það er að verða til ný þekking og þetta viðangsefni snertir alla þætti í byggingariðnaði, hönnun, framkvæmd, geymslu á byggingarefni og ekki síst hvernig við notum hús og viðhöldum þeim. Svo má einnig spyrja sig hvernig nýtilkomin byggingarefni að virka við íslenskar aðstæður?