Nýir leiðtogar hjá Iðunni fræðslusetri

Leiðtogi er nýtt starfsheiti innan Iðunnar og hlutverk þeirra er að þróa faglega sérhæfingu og fræðsluframboð í viðkomandi greinum.

Nýr leiðtogi í matvæla- og veitingagreinum er Sæbjörg Rut Guðmundsdóttir, matreiðslumeistari. Sæbjörg hefur starfað í veitingarekstri og sem kennari í matreiðslu við VMA og matvælagreinum í Mýrarhúsaskóla.

Sigursveinn Óskar Grétarsson, vélfræðingur, vélvirkjameistari og rafvirki, er nýr leiðtogi í málm- og véltæknigreinum. Óskar hefur starfað sem vélstjóri á frystitogara og hefur jafnframt unnið í háspennugeiranum, t.a.m. við upptekt og viðgerðir á spennum og búnaði þeim tengdum.