Námskeið og fræðsla

Lærðu að taka flottar myndir á iPhone símann eða einfalda myndavél. Námskeið ætlað þeim sem hafa áhuga á að bæta færni sína í ljósmyndun á iPhone síma eða einfalda myndavél. Áhersla á mikilvægi þess að taka vandaðar myndir fyrir markaðsefni eða bara Instagram síðuna. Námskeiðið er kennt tvo seinniparta, 5 klst. hvorn dag. Félagsfólk Iðunnar sem skráir sig á námskeiðið fær glæsilega matreiðslubók með myndum eftir Karl Petersson að gjöf.

Sérfræðingar á vegum C.C.Jensen kenna um mikilvægi olíuviðhalds. Námskeiðið á sérstaklega vel við alla sem vinna með olíur bæði til sjós og landsjal. Fjallað er um grundvallaratriðin í sambandi við olíur, eins og uppruna þeirra, áræðanleika og smurhæfni. Þá verða helstu olíutegundir skoðaðar og mismunandi aukaefni sem í þeim eru. Námskeiðið er sett upp til að veita þátttakendum þekkingu og færni til að viðhalda olíu sem verið er að nota við mismunandi aðstæður í ólíkum iðnaði. Kennsla fer að mestu fram á Ensku, Kennarar: Steffen Dalsgaard Nyman & Gustav Hans Frederiksen

Sérfræðingar á vegum C.C.Jensen kenna um mikilvægi olíuviðhalds á spennum. Námskeiðið hentar vel þeim sem vinna með spenna þar sem olíur eru notaðar sem einangrunarmiðill. Fjallað er um grundvallaratriðin í sambandi við spennaolíu og mikilvægi þess að spennaolía fái rétta meðhöndlun. Alkunna er að ending spennis fer að miklu leyti eftir gæðum olíunnar sem á honum er. Námskeiðið er sett upp til að veita þátttakendum þekkingu og færni til að viðhalda spennaolíu sem verið er að nota við mismunandi aðstæður á Íslandi. Kennsla fer að mestu fram á Ensku, Kennarar: Steffen Dalsgaard Nyman & Gustav Hans Frederiksen

Þetta námskeið er ætlað þeim sem sem eru að útbúa nýjan garð eða gera breytingar á eldri garði. Einnig þeim sem koma að hönnun og framkvæmdum í görðum. Farið er yfir helstu mannvirki i görðum svo sem sólpalla, skjólgirðingar, hellulagnir, hleðslur, smáhýsi, heita potta o. fl. Farið er í gegnum hvaða forsendur liggja að baki hverri framkvæmd eins og staðsetning, undirlag, efni og annað og hvað þarf að hafa í huga í ferlinu. Einnig eru kynntar reglur sem gilda um hvers konar mannvirki í görðum.

Á þessu námskeiði er farið yfir OneDrive og helstu aðgerðir en þar kynnumst við hvernig skýjalausnir halda utan um gögnin og hvar við getum nálgast þau. Með Teams fáum við tækifæri að nýta okkur þessa frábæru lausn til samskipta og sækjum gögn frá t.d. OneDrive.

Á þessu námskeiði er markmiðið að þátttakendur nái betri tökum á Excel töflureikninum, útreikningum og helstu formúlum sem er algengt að styðjast við í iðnaði.