Iðan

Raunfærnimat

Getur þú staðfest 5 ára fullt starf í iðninni með opinberum gögnum s.s. lífeyrissjóðsyfirliti?
Og ertu 25 ára eða eldri? Langar þig að ljúka námi í þínu fagi.

Í haust verður boðið upp á raunfærnimatið í eftirfarandi greinum:

Raunfærnimat er ætlað að meta þá færni og þekkingu sem þú hefur öðlast í starfi og frítíma. Það getur mögulega stytt skólagöngu þína. Frekari upplýsingar um hvert fag getur þú nálgast hér fyrir neðan:

Raunfærni er sú færni og þekking sem einstaklingur hefur í raun. Hann hefur náð færninni með ýmsum hætti til dæmis starfsreynslu, starfsnámi, frístundum, námi, félagsstörfum og fjölskyldulífi. Þetta getur verið bæði formlegt nám sem fer fram innan skólakerfisins og óformlegt nám sem fer fram utan skólakerfisins. 

Raunfærnimat er mat á þeirri raunfærni sem viðkomandi hefur og er mikil hvatning til náms fyrir einstaklinga á vinnumarkaðanum og gefur þeim tækifæri á að ljúka námi sínu.

Raunfærnimat er unnið í samstarfi við Fræðslumiðstöð atvinnulífsins og er gengið út frá að eðlilegt sé að meta færni sem til staðar er óháð því hvernig hennar hefur verið aflað. Mat á raunfærni byggir á þeirri hugmynd að nám sé verðmætt og að það sé skjalfest óháð því hvar þess hefur verið aflað. Inntökuskilyrði í raunfærnimat er 25 ára lífaldur og 60 mánaða starf í faginu (staðfest með opinberum gögnum).

Raunfærnimatsferlið er í fimm liðum.

1. Kynningarfundur
2. Finna gögn og koma í viðtal til náms- og starfsráðgjafa
3. Færnimappa gerð í samstarfi við náms- og starfsráðgjafan
4. Mat og viðurkenning. 
5. Farið yfir niðurstöður. Hvað stendur eftir? Skólaganga skipulögð.

Í kjölfar raunfærnimats getur skipt sköpum fyrir þátttakendur að boðið sé upp á fjölbreyttar námsleiðir til að ljúka námi í greininni sem mat á raunfærni fór fram í og er það í höndum framhaldsskólanna eða hjá fullorðinsfræðsluaðilum.  

Hægt er að finna nánari upplýsingar um raunfærni á heimsíðu Fræðslumiðstöð atvinnulífsins. Evrópskar leiðbeiningar um mat á raunfærni eru einnig til.