Námskeiðið er ætlað öllum þeim sem hyggjast starfa við notkun brúkrana sem lyfta 5 tonnum eða meira og þurfa lögbundin réttindi samkvæmt reglum nr. 1116/2021. Námskeiðið hentar jafnt byrjendum sem vilja hefja störf sem brúkranastjórar, sem og þeim sem vilja formfesta fyrri reynslu með viðurkenndum prófskírteinum.
Að veita þátttakendum þá þekkingu og hæfni sem þarf til að starfa örugglega og samkvæmt lögum við notkun brúkrana sem lyfta yfir 5 tonnum eða meira.
Brúkranar eru skilgreindir sem skráningarskyldar vinnuvélar í flokki C hjá Vinnueftirlitinu og urðu réttindaskyldar 1. október 2021 samkvæmt reglugerð nr. 1116.
Námskeiðið er 100% vefnámskeið og þátttakendur geta hafið námið hvenær sem þeim hentar og lært á eigin hraða. Kennslan fer fram með myndbandsfyrirlestrum og krossaprófum. Reikna má með að það taki um 3–4 klukkustundir að ljúka námskeiðinu.
Verkefni sem krefjast brúkrana yfir 5 tonnum fela í sér mikla ábyrgð og hættu ef þau eru ekki unnin samkvæmt lögum og reglum. Rétt þjálfun dregur úr hættu á slysum, skemmdum og röngum aðgerðum. Með þessu námskeiði er stuðlað að öruggari vinnubrögðum og auknu starfsöryggi á vinnustað.
Iðan er í samstarfi við Vinnuverndarnámskeið ehf. Skólinn var stofnaður í desember 2021 af Eggerti Björgvinssyni, Guðmundi Kjerúlf og Leifi Gústafssyni og býður upp á fjölda vinnuverndar- og vinnuvélanámskeiða. Félagsmenn Iðunnar njóta sérkjara hjá Vinnuverndarnámskeið ehf þegar skráning fer fram hjá Iðunni.