Erasmus+ fyrir nýsveina
Erasmus+ er styrkt af menntaáætlun Evrópusambandsins. Iðan hefur um árabil veitt fólki sem tengist iðnaði styrki til starfsþjálfunar í fyrirtækjum, á ýmiskonar námskeið, starfsspeglun og fleira.
Hverjir geta sótt um styrk?
Nýsveinar geta sótt um styrk og miðað er við að dvölin sé innan árs frá sveinsprófi.
Hvaða iðngreinar/fræðsla eru í boði?
Allar löggildar iðngreinar nema rafiðngreinar.
Hvert get ég farið?
Öll lönd í Evrópu koma til greina en tenglanet Iðunnar er misjafnt eftir löndum. Vinsæl lönd hafa t.d. verið Þýskaland, Frakkland, Austurríki, Eistland, Finnland og Danmörk.
Hversu lengi get ég verið?
Lágmarkstími eru 4 vikur og hámarkstími eru 12 mánuðir.
Hversu hár er styrkurinn?
Styrkjaupphæðir eru mismunandi eftir móttökulöndum og lengd dvalar. Algeng styrkupphæð er um 100 € á dag.
Er styrkurinn skattskyldur?
Meginreglan er að styrkir til einstaklinga teljast til skattskyldra tekna. Nánari upplýsingar hér: https://www.skatturinn.is/einstaklingar/tekjur-og-fradrattur/styrkir/