Endurmenntun atvinnubílstjóra

Endurmenntunarnámskeiðin byggja á lögum um breytingu á umferðarlögum, nr. 50/1987, með síðari breytingum (EES-innleiðing o.fl.).

Atvinnubílstjórar sem aka bílum í flokkum C, C1, D og D1 þurfa að að ljúka endurmenntunarnámskeiðum á síðustu fimm árum fyrir endurnýjun til að fá tákntöluna 95 í skírteinið sitt. Mikil ábyrgð hvílir á bílstjórum stórra ökutækja en markmið námskeiðanna er að efla atvinnubílstjóra sem fagstétt og auka umferðaröryggi. 95 tákntalan gerir bílstjórum kleift að starfa við akstur innan EES svæðisins. Hér geta bílstjórarar skoðað sína stöðu gagnvart námskeiðum. Ef engin námskeið birtast, eru engin námskeið í gildi eða hafa ekki verið skráð af námskeiðshöldurum.

Um námið

Fjöldi kennslustunda í endurmenntun skal vera samtals 35 stundir í 7 kennslustunda lotum á síðustu fimm árum fyrir endurnýjun. Námið samanstendur því af fimm námskeiðum sem má dreifa á þetta tímabil en verður að vera lokið fyrir endurnýjun ökuskírteinis. Eitt námskeiðanna þarf að innihalda verklegan þátt.

Námskeiðin skiptast í þrjá hluta:

• Umhverfi
• Lög og reglur
• Öryggi

Hver bílstjóri þarf:

• að taka eitt námskeið úr hverjum hluta
• tvö námskeið eru valfrjáls úr hvaða hluta sem er
• eitt af þessum fimm námskeiðum þarf að innihalda verklegan hluta

Dæmi um námskeið sem Iðan býður upp á

Umhverfi:

• Vistakstur - öryggi í akstri
• Fagmennska og mannlegi þátturinn

Lög og reglur:

• Lög og reglur

Öryggi:

• Umferðaröryggi og bíltækni
• Farþegaflutningar
• Vöruflutningar
• Skyndihjálp og slökvitækni (inniheldur verklegt)

Vörubílstjórar skulu velja eitt námskeið sem tengist farmhleðslu og bílstjórar í farþegaflutningum skulu taka að minnsta kosti eitt námskeið þar sem fjallað er um þær sérstöku áskoranir sem tengjast farþegaflutningum.

Nánari upplýsingar má sjá í námskrá endurmenntunar atvinnubílstjóra.

Hver þurfa ekki endurmenntun?

• Þau sem nýta réttindi sín engöngu til aksturs í eigin þágu.
• Leigubílstjórar(þeir sem eingöngu aka bílum í B-flokki)
• Bílstjórar sem aka sjúkrabílum eða björgunarsveitarbílum.

Endurnýjun skírteinis

Mikilvægt er að fara til sýslumanns og endurnýja skírteinið eftir að námskeiðunum er lokið. Það gerist ekki sjálfkrafa. Við endurnýjun þarf ávallt að skila læknisvottorði.

Séu liðin meira en tvö ár frá því að skírteinið rann út, þarf að fara í próf í aksturshæfni hjá Frumherja.

Nánari upplýsingar má nálgast með því að senda tölvupóst á netfangið [email protected] og [email protected].