Nýsveinar taka á móti sveinsbréfum á Akureyri
Það var góð mæting á afhendingu sveinsbréfa í Nausti, Menningarhúsinu Hofi á Akureyri í gær 10. maí þegar yfir 60 nýsveinar tóku á móti sveinsbréfunum sínum.
Afhent voru sveinsbréf í vélvirkjun, pípulögnum og húsasmíði. Flestir voru nýsveinarnir í húsasmíði.
Afhendingunni stýrði Vilborg Helga Harðardóttir, framkvæmdastjóri Iðunnar fræðsluseturs.
Iðan óskar nýsveinunum til hamingju með áfangann.