Nýsveinar og aðstandendur þeirra fjölmenntu á hátíðlega athöfn á Hótel Nordica í gær.
Það var glæsilegur hópur nýsveina sem fékk sveinsbréfin sín afhend við hátíðlega athöfn á Hótel Nordica í gær.
Alls útskrifuðust nýsveinar úr 12 greinum, en þær eru:
244 nýsveinar fengu gjafabréf á námskeið frá Iðunni og aðrar gjafir frá sínum fagfélögum og meistarafélögum. Einnig gáfu nokkur fyrirtæki gjafir til nýsveina sinna greina. Þá voru veitt verðlaun fyrir hæstu einkunnir á sveinsprófi í hverri grein.
Um 600 gestir mættu á Nordica til að samfagna með nýsveinunum.
Leikkonan og uppistandarinn Saga Garðarsdóttir lyfti upp stemningunni og fór með gamanmál.
Á meðal nýsveina var Hera Björk Jóhannesdóttir sem gladdist yfir því að vera að klára sveinspróf bæði í bílamálun og bifreiðasmíði. Þá tóku feðgarnir Guðni Magni Kristjánsson og Nökkvi Hrafn Guðnason báðir við sveinsbréfum sínum í veggfóðrun og dúklagningu.
Við óskum nýsveinum hjartanlega til hamingju með áfangann og bjóðum þá velkomna í hóp fagfólks í iðnaði.