Gillian Stewart er mikilsvirtur bókbindari frá Skotlandi. Í hlaðvarpinu Bókaást segir hún frá ferli sínum og verkum en Gillian hélt vinsæla vinnusmiðju á Íslandi fyrir bókbindara í apríl hjá Iðunni fræðslusetri. Þótt að hún vinni fyrst og fremst vönduð bókverk fyrir listamenn og söfn þá hefur hún þá hugsjón að efnaminni geti líka keypt fallega bundnar bækur og selur þær á hagstæðu verði á vinnustofu sinni.