Nýsveinahátíð IMFR 2026 var haldin á Hótel Natura 7. febrúar sl.
Hátíðin var með glæstasta móti og gladdi söngkonan Elín Hall gesti með söng.
32 nýsveinum var veitt viðurkenning fyrir frábæran árangur á sveinsprófi.
Forseti Íslands, Halla Tómasdóttir, sem er verndari hátíðarinnar, heiðraði samkomuna og flutti ávarp.
Mennta- og barnamálaráðherra, Inga Sæland, ávarpaði gesti og ræddi um mikilvægi iðnnáms fyrir samfélagið, uppbyggingu iðn- og verknáms, byggingu nýs Tækniskóla í Hafnarfirði og bætta kennsluaðstöðu fyrir verknám í öðrum verknámsskólum.
Aldrei hafa jafn margir nemendur lokið sveinsprófum og á síðasta ári en tilgangur Nýsveinahátíðarinnar er að vekja athygli á mikilvægi iðnnáms og iðngreina í samfélaginu.
Á hátíðinni afhenti Ólafur Jónsson, forstöðumaður Nemastofu, viðurkenningar til fyrirtækja sem hafa staðið sig framúrskarandi vel í því að taka á móti starfsnemum.
Fyrirtækin Bílapunkturinn, Héðinn og Snyrtistofan Garðatorgi eru fyrirmyndarfyrirtæki Nemastofu árið 2026.