Vilhelm Gunnarsson ljósmyndari ræðir um framtíð blaðaljósmyndunar og minnkandi aðgengi ljósmyndara að því að skrá söguna.
Hann segir að það sé raunveruleg hætta á því að lítið sé myndað af daglegu lífi fólks nú þegar Fréttablaðið er horfið af vettvangi. Hann ræðir einnig sannar og ósannar myndir, gervigreind og það sem stóð upp úr á liðnu ári í ljósmyndun.
Vilhelm var sigursæll þegar myndir ársins voru valdar á árlegri sýningu í Ljósmyndasafni Reykjavíkur. Sýningin er haldin af Blaðaljósmyndarafélagi Íslands og stendur yfiri til 27.maí og hægt er að nálgast bók með öllum myndum sýningarinnar í safnbúð Ljósmyndasafns Reykjavíkur.
Vilhelm átti bæði umhverfismynd ársins og íþróttamynd ársins.
<embed embedtype="image" format="fullwidth" id="2115"/>
Draugurinn
Reynisfjara var í fréttum oft á liðnu ári vegna hættu fyrir ferðamenn.
Vilhelm fangaði þetta ótrúlega augnablik þar sem sést móta fyrir illúðlegu andliti í briminu. Hann kallar myndina sjálfur; Draugurinn í Reynisfjöru.
<embed embedtype="image" format="fullwidth" id="2116"/>
Vonbrigði Sveindísar Jane
Hér fangar Vilhelm vonbrigði Sveindísar Jane eftir tapleik Íslands gegn Portúgal í umspilsleik fyrir laust sæti á HM í Ástralíu.