Í dag voru sveinsbréf afhent í 7 iðngreinum við hátíðlega athöfn á Hótel Hilton Nordica í Reykjavík.
Alls fengu 87 nýsveinar sveinsbréf sín afhent í dag og var athöfnin vel sótt. Vélvirkjar voru fjölmennasti hópurinn sem steig á svið að þessu sinni en alls voru 28 sveinsbréf afhent í vélvirkjun. Auk fyrrnefndra greina voru sveinsbréf afhent í snyrtifræði, rennismíði, hársnyrtiiðn, ljósmyndun, grafískri miðlun og bifvélavirkjun.
Það er ánægjulegt að sjá svo fjölbreyttan hóp nýsveina og ljóst að iðnaður á Íslandi heldur áfram að þróast og dafna.
Iðan fræðslusetur sendir öllum nýsveinum dagsins sínar bestu hamingjuóskir með áfangann.