Deildarstjóri Þróunar þekkingar

Iðan fræðslusetur leitar að drífandi og framsýnum stjórnanda til að leiða deildina Þróun þekkingar. Hafir þú brennandi áhuga á fræðslumálum gæti þetta verið starf fyrir þig.

Deildarstjóri leiðir teymi leiðtoga Iðunnar, sem þróa fræðslu fyrir þær iðngreinar sem Iðan þjónustar og vinna að alþjóðaverkefnum. Deildarstjóri heyrir undir framkvæmdastjóra Iðunnar og situr í framkvæmdastjórn félagsins.

Helstu verkefni

• Móta og innleiða stefnu í fræðslumálum og tryggja framúrskarandi gæði fræðslu
• Leiða þróun og nýsköpun í fræðsluframboði, þ.á.m. stafræna fræðslu, tækni í iðnaði, inngildingu og önnur vaxtartækifæri
• Stjórna og styðja teymi sérfræðinga í iðngreinum og alþjóðaverkefnum
• Gerð og eftirfylgni með framkvæmda- og rekstraráætlunum deildarinnar
• Vinna náið með markaðs- og söludeild við miðlun upplýsinga til markhópa

Menntunar- og hæfniskröfur

• Háskólamenntun sem nýtist í starfi
• Þekking á kennslufræði og reynsla af fræðslustarfi
• Farsæl stjórnunarreynsla og leiðtogahæfni
• Framúrskarandi færni í mannlegum samskiptum
• Góð færni í íslensku og ensku, bæði í ræðu og riti
• Þekking á iðngreinum er kostur

Iðan er leiðandi fræðslusetur í iðnaði og þjónustar bílgreinar, bygginga- og mannvirkjagreinar, málm- og véltæknigreinar, matvæla- og veitingagreinar og prent- og miðlunargreinar. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum. Hjá Iðunni færðu þannig tækifæri til að hafa raunveruleg áhrif á framtíð fræðslu í iðnaði.

Iðan fræðslusetur er skemmtilegur vinnustaður þar sem starfar metnaðarfullt starfsfólk. Verkefnin eru fjölbreytt, við leggjum áherslu á gott samstarf og tækifæri til vaxtar.

Allar frekari upplýsingar á vef Hagvangs.