Dómara- og keppnisnámskeið fyrir matreiðslumenn

Iðan Fræðslusetur í samstarfi við Klúbb Matreiðslumeistara og matreiðslumeistarann Gert Klötzke, heldur dómara- og keppnisnámskeið fyrir matreiðslumenn þann 20. október næstkomandi í Húsi Fagfélaganna, Stórhöfða 31.   Um er að ræða 8 klukkustunda námskeið þar sem farið verður  í nýjustu strauma og stefnur í keppnismatreiðslu.   Námskeiðið er hugsað til að auka færni íslenskra matreiðslumanna í dómgæslu í viðurkenndum matreiðslukeppnum  og einnig fyrir keppendur sem vilja auka skilning á reglum og viðmiðum dómara í matreiðslukeppnum.   Námskeiðið er fyrsta skrefið í að öðlast viðurkennd alþjóðleg dómararéttindi í matreiðslu.