Hnífabrýnsla

Verð fyrir félagsmenn
5.000 kr.
Verð
18.000 kr.
Vilt þú læra að brýna hníf með þínum eigin brýningarstein? Lærðu að halda hnífunum þínum í fullkomnu ástandi með japanskri brýningaraðferð. Á þessu námskeiði fá þátttakendur bæði fræðilega og verklega kennslu í réttri brýnitækni, líkamsstöðu og meðferð hnífa. Fjallað er um mismunandi gerðir hnífa, hörku, bit og egg, auk notkunar vatnssteina og annarra brýnitóla. Námskeiðið hentar jafnt fagkokkum sem áhugafólki um hnífa og matargerð sem vill læra að brýna af nákvæmni og öryggi. Að loknu námskeiði geta þátttakendur sjálfir viðhaldið hnífum sínum á faglegan hátt og tryggt hámarks gæði og endingu þeirra. Þátttakendur koma sjálfir með 1-2 hnífa til að brýna og allir fá í gjöf brýningarstein með heim eftir námskeið.

Fyrir hverja:

  • Matreiðslumenn og starfsfólk eldhúsa sem vill dýpka kunnáttu sína í hnífabrýningu
  • Áhugafólk um hnífa, matargerð og japanskt handverk sem vill læra að brýna með réttri tækni og nákvæmni

Markmið:

Að kenna þátttakendum rétta tækni við hnífabrýningu með japanskri aðferð og veita skilning á eðli og eiginleikum mismunandi hnífa og stáls. Eftir námskeiðið eiga þátttakendur að geta viðhaldið eigin hnífum fagmannlega og með öryggi.

Á námskeiðinu verður fjallað um:

  • Mismunandi gerðir hnífa og notkunarsvið þeirra
  • Hugtökin hörku, bit og egg – og hvernig þau hafa áhrif á frammistöðu
  • Rétta líkamsstöðu, handlag og þrýsting við brýningu
  • Notkun vatnssteina og annarra brýnitóla
  • Viðhald, hreinsun og geymslu hnífa

Að loknu námskeiði á nemandi að:

  • Hafa tileinkað sér rétta tækni við brýningu með japanskri aðferð
  • Skilja mismunandi gerðir hnífa, stáltegunda og eggforma
  • Geta metið hvenær hnífur þarf brýningu og hvernig viðhalda má honum til langs tíma
  • Vera öruggur og meðvitaður í meðferð hnífa – hvort sem er í fageldu eða heimakjöt

Staðsetning
Hús Fagfélaganna Stórhöfða, Stórhöfði 29-31, 110 Reykjavík

19. nóvember 2025 kl: 17:00 - 19:00
Fyrirkomulag kennslu
Staðnám
Námsmat
Mæting og verkleg þjálfun
Tengiliður
Guðrún Hjaltalín Guðjónsdóttir - [email protected]
Hinrik Carl Ellertsson
Kennari
Hinrik Carl Ellertsson
Matreiðslumeistari og kennari við Menntaskólann í Kópavogi

Hinrik Carl Ellertsson er kennari og matreiðslumeistari við Menntaskólann í Kópavogi. Þar áður vann hann sem rekstrarstjóri á Dill restaurant meðal annars. Hann byggir kennslu á hagnýtum og réttum vinnubrögðum: Réttu brýningar horni, val á steinum og kornastærðum, slípum og stroppi, prófun á eggi hnífsins, ásamt daglegri rútínu sem heldur egginu á hnífnum lengur beittu og bætir öryggi og afköst í eldhúsi. Hinrik hefur haldið fjölda námskeiða fyrir nemendur og atvinnulífið og aðstoðað veitingastaði við að setja upp einföld hnífa- og viðhaldsferli sem spara tíma og kostnað. Á þessu námskeiði miðlar hann aðferðum sem þátttakendur geta tekið í notkun strax.