IMI rafbílanámskeið þrep 3 og 4 - Vinna og viðgerðir í lifandi og aftengdum háspennukerfum bifreiða. (Akureyri)

Fyrir hverja:

Námskeiðið er  hannað fyrir þá sem vinna við viðgerðir á háspennukerfum raf/tvinn bíla bæði í aftengdum kerfum og eins lifandi s.s. háspennu rafhlöðum. Skilyrði er að hafa lokið IMI Rafbílanámskeiði á þrepi 2.2.

Markmið:

Námskeiðinu er ætlað að veita þátttakendum þá þekkingu og hæfni til að vinna á öruggan hátt í aftengdum kerfum sem og í lifandi spennu s.s. þegar unnið er við háspennu rafhlöður en þar er hættan einmitt mest.

Á námskeiðinu verður fjallað um:

• Hvernig skal vinna á öruggan hátt í háspennukerfum bifreiða.
• Hvernig skal nota viðeigandi upplýsingar við vinnu.
• Virkni, bilanagreiningu og viðgerð í háspennukerfum
• Tegundir og efnasamsetningu háspennu rafhlaðna
• Uppbyggingu háspennurafhlaðna
• Hvernig skal vinna við lifandi kerfi og hvaða ráðstafanir þarf að gera.
• Bilanagreining á íhlutum háspennurafhlöðunnar
• SOH, SOC og spennujöfnun sella.

Aðloknu námskeiði á nemandi að:

Hafa öðlast þekkingu á:

• Ferli bilanagreiningar í háspennukerfum
• Virkni rafmótora og spennubreyta(Inverter)
• Virkni hleðslu eininga (OBC)
• Uppbyggingu háspennurafhlaða
• Virkni íhluta háspennurafhlöðu
• Hvernig skal standa að viðgerð á háspennurafhlöðum
• Grunn bilanagreiningu háspennurafhlaða
• Spennujöfnun

Og hæfni til að:

• Vinna í aftengdu og lifandi kerfi
• Fjarlægja háspennueiningar
• Framkvæma viðeigandi mælingar

Aðrar upplýsingar:

Námskeiðið er vottað af Institute of the Motor Industry (IMI) í  Bretlandi og lýkur með verklegu prófi sem tengist vinnu viðháspennukerfi og háspennurafhlöður sem er venjulega framkvæmt seinasta dag námskeiðs og tekur um 2 klst. Þessi vottun hefur verið þróuð í nánu samstarfi við sérfræðinga í bílgreininni, rafbílaframleiðendur, fræðsluaðila og IMI