Námskeiðið er ætlað stjórnendum, verkfræðingum, verkstjórum og sérfræðingum sem bera ábyrgð á viðhaldi, eignastýringu og rekstraröryggi – í fyrirtækjum, opinberum stofnunum og þjónustueiningum. Námskeiðið hentar þeim sem eru að hefja störf á vettvangi eigna- og viðhaldsstjórnunar og eins og ekki síður þeim sem hafa öðlast reynslu á þessum vettvangi og vilja bæta enn við og sækja enn meiri þekkingu á þessu sviði.
Námskeiðið er haldið í samstarfi við EVS - Eigna- og viðhaldsstjórnunarfélag Íslands og Idhammar. Það veitir djúpa innsýn í viðhaldsstjórnun með áherslu á evrópska staðla (EN 13306 & EN 17007), bilanagreiningu, eignastýringu og stafrænar lausnir. Kennt er á ensku og námskeiðið samanstendur af þremur hlutum - tveimur staðlotum og einni fjarlotu - með blöndu af fyrirlestrum, umræðum og verkefnum. Hluti af námskeiðsgögnum er íslensk þýðing á völdum stöðlum (ISO 55k, EN13306 og EN 17007) sem eru mikilvægir sem slíkir og einnig til að brúa á milli enskunnar og íslenskunnar. Innifalið í námskeiðinu er próf sem tekið er í lok námskeiðsins og veitir evrópskt þekkingarvottorð í viðhaldsstjórnun, EFNMS PASS. Daginn eftir að námskeiðinu lýkur geta þátttakendur, að uppfylltum vissum skilyrðum, einnig tekið próf sem veitir evrópsk færniskírteini í viðhaldsstjórnun, EFNMS CERTIFICATION, það próf er ekki innifalið í verði námskeiðsins.
Að þátttakendur öðlist yfirgripsmikla þekkingu og hagnýt verkfæri í nútíma viðhaldsstjórnun og eignastýringu, og verði færir um að bæta árangur viðhaldsstarfa með stefnumótandi hætti.
Námskeiðið er kennt á ensku af sérfræðingum frá Idhammar. Próftaka fyrir EFNMS CERTIFICATE er ekki innifalin í námskeiðsgjaldi og verður auglýst sérstaklega.
Athugið að suma daga er kennt annarsstaðar, sjá dagsetningar fyrir neðan.