Jólaföndur – Jólaskraut unnið í tölvustýrðum rennibekk og fræsisvél

Fyrir hverja:

Félaga Iðunnar og alla sem hafa áhuga á málm- og véltækni eða vilja sameina föndur og jólastemningu. Þátttakendur geta boðið maka, vin eða barni með (aldurstakmark 13 ára).

Markmið:

Að kynna þátttakendum verkferla og tækni í málm- og véltækni með skapandi og skemmtilegu föndurverkefni í anda jólanna. Þátttakendur læra að nota grunnatriði tölvustýrðra véla og sjá hvernig hugmynd verður að verki með stafrænum framleiðsluaðferðum. Einnig er í boði að vinna jólatré í manual rennibekk.

Á námskeiðinu verður fjallað um:

• Flutning teikninga úr Inventor yfir í CAM
  • Grunnatriði í G-kóða og uppsetningu á vinnsluskrám
  • Uppstillingu og örugga notkun CNC rennibekks og fræsivélar
  • Fagleg vinnubrögð, öryggi og gleðilegt samstarf í anda jólanna
  

Að loknu námskeiði á nemandi að:

• Þekkja til hvernig teikning er flutt úr CAD-forriti í CAM-umhverfi
  • Skilja helstu þætti G-kóða og hvernig hann stýrir vélum
  • Geta stillt upp og stjórnað einföldum verkefnum í CNC rennibekk og fræsivél
  • Vinna af öryggi með verkfæri og búnað
  • Framleiða sitt eigið jólaskraut og öðlast innsýn í tækni stafrænnar framleiðslu
  

Aðrar upplýsingar:

• Þátttakendur eiga afrakstur vinnu sinnar og taka með heim að námskeiði loknu 😉
  • Þátttakendur mæta í vinnufatnaði og í lokuðum skóm
  • Aðföng, efni og verkfæri eru innifalin í verði
  • 2 fyrir 1 tilboð fyrir foreldri og barn, maka eða vini
  • Lengd námskeiðs: 4 klst. kvöldnámskeið