Pappírsvikan: Spjaldanna á milli

Fyrir hverja:

Fagfólk og áhugasama um endurvinnslu og nýtingu bóka, bókband og hönnun. Og alla þá sem vilja kynna sér skapandi verkefni sem stuðla að sjálfbærni og varðveislu handverkshefða. Boðið verður upp á létt snarl.

Markmið:

Að kynna verkefnið Spjaldanna á milli og varpa ljósi á mikilvægi endurnýtingar bókakápa og varðveislu bókbands á Íslandi, ásamt því að efla vitund um gildi pappírs- og prentiðnaðarins í nútímasamfélagi.

Á fyrirlestrinum verður fjallað um:

• Verkefnið Spjaldanna á milli unnið í samstarfi Tækniskólans og Iðunnar fræðsluseturs.
• Endurnýtingu bókakápa og leiðir til að viðhalda og miðla hefðbundnu bókbandi.
• Menningarlegt og faglegt gildi bókbands á Íslandi
• Pappírsvikuna, sem haldin er í fyrsta sinn á Íslandi, og alþjóðlegt samstarf við Two Sides og lovepaper.org.