Varðveisla eldri húsa

Fyrir hverja:

Námskeiðið er ætlað fag- og áhugafólki um viðgerðir og viðhald eldri húsa.

Markmið:

Markmið námskeiðsins er að veita þátttakendum innsýn í helstu þætti er varða endurbætur og varðveislu eldri húsa.

Á námskeiðinu verður fjallað um:

• Lög og reglugerðir er varða viðgerðir og viðhald á vernduðum húsum.
• Helstu tímabil og einkenni íslenskrar byggingarsögu.
• Framkvæmd viðhaldsverkefna.
• Byggingatæknilegar áskoranir varðandi viðgerðir og viðhald húsa.

Að loknu námskeiði á nemandi að:

• Þekkja helstu laga- og reglugerðarákvæði um viðhald eldri húsa.
• Kunna skil á einkennum gamalla íslenskra húsa.
• Vita hvernig staðið er að framkvæmdum við eldri hús.

Aðrar upplýsingar:

Námskeiðið er haldið á Árbæjarsafni og verða safnhúsin þar skoðuð út frá byggingartækni og efnisnotkun.