Ostagerðarnámskeið

Fyrir hverja:

Námskeiðið hentar öllum sem hafa áhuga á ostagerð – hvort sem um er að ræða algjöra byrjendur eða þá sem vilja dýpka skilning sinn á mjólkurfræði, gerjun, náttúrulegum gerlum og fjölbreytileika mjólkurafurða. Einnig er námskeiðið tilvalið fyrir áhugafólk um sjálfbærni, staðbundið hráefni og hefðbundið handverk.

Markmið:

Að veita þátttakendum bæði fræðilega og verklega færni til að búa til einfaldar og bragðgóðar mjólkurafurðir heima við aðstæður sem henta íslenskum heimilum. Markmiðið er að þátttakendur skilji ferlana sem móta bragð, áferð og gæði osta og jógúrtar, og tileinki sér nútímalegar áherslur á náttúrulega gerla, minna af viðbótarefnum og notkun á fersku, staðbundnu hráefni.

Á námskeiðinu verður fjallað um:

• Þróun, fjölbreytileika og eiginleika mjólkur og mjólkurafurða
• Grunnatriði mjólkurvinnslu og lykilhugtök í mjólkurfræði
• Hlutverk gerla, gerjunarferla og hvata í ostagerð
• Efnasamsetningu mjólkur og áhrif hennar á framleiðsluferli og áferð
• Einfaldar, öruggar og praktískar aðferðir við heimagerð osta og jógúrt
• Tæki, tól og aðstöðu sem gerir heimavinnslu mjólkurafurða aðgengilega og árangursríka
• Helstu mistök sem ber að forðast – og hvernig kalla má fram þau bragð- og áferðareinkenni sem óskað er eftir
• Verklega vinnu þar sem framleiddar eru mjólkurafurðir eins og jógúrt og mozzarella sem þátttakendur ljúka að mestu á námskeiðinu

Að loknu námskeiði á nemandi að:

• Geta útbúið eigin osta og jógúrt með einföldum og öruggum heimilis-aðferðum
• Skilja hvaða þættir – svo sem efnasamsetning mjólkur, gerlar, hitastig og tími – hafa áhrif á bragð og áferð
• Kunna að velja réttu aðferðina og réttu hráefnin miðað við þá afurð sem á að framleiða
• Þekkja helstu tæki og tól fyrir heimagerða mjólkurvinnslu og hvernig þau eru notuð
• Forðast algeng mistök í ostagerð og geta stýrt ferlinu þannig að árangur verði markviss og stöðugur
• Hafa tileinkað sér grunnfærni til að þróa áfram eigin uppskriftir og bæta við fleiri mjólkurafurðum heima

Aðrar upplýsingar:

Allir þátttakendur fá bókina Ostagerð, heimavinnsla mjólkurafurða eftir Þórarinn Egil Sveinsson að gjöf á námskeiðinu.