Blágrænar ofanvatnslausnir

Fyrir hverja:

Námskeiðið er ætlað verktökum, verkstjórum og öðrum sem koma að uppbyggingu og framkvæmd mannvirkja og útisvæða þar sem gera þarf ráð fyrir meðferð ofanvatns á öruggan og sjálfbæran hátt.

Markmið:

Markmið námskeiðsins er að fræða þátttakendur um blágrænar ofanvatnslausnir og hlutverk þeirra á byggðum svæðum.

Á námskeiðinu verður fjallað um:

• Hönnun blágrænna ofanvatnslausna og hvernig þær virka í raun.
• Mótun lands og yfirborðs til að stýra rennsli og draga úr álagi á fráveitukerfi.
• Helstu útfærslur, efnisval og framkvæmdaratriði sem skipta máli fyrir endingargóða lausn.
• Algeng mistök og hvað þarf að hafa í huga til að lausnir haldi virkni og útliti til lengri tíma.

Að loknu námskeiði á nemandi að:

• Kunna að lesa og skilja helstu forsendur í hönnunargögnum og teikningum tengdum ofanvatnslausnum.
• Geta framkvæmt blágrænar ofanvatnslausnir samkvæmt hönnunargögnum og tryggt réttan frágang á verkstað.
• Þekkja lykilatriði í mótun, frágangi og viðhaldi sem tryggja að lausnir virki til lengri tíma.

Aðrar upplýsingar:

Námskeiðið er bóklegt og byggir á dæmum og útfærslum sem tengjast íslenskum aðstæðum og framkvæmdum.