Verkleg kennsla: Umbrot og framleiðsla í InDesign

Fyrir hverja:

Námskeiðið er ætlað þeim sem vilja efla færni sína í InDesign og vilja vinna markvisst og faglega að framleiðslu fréttabréfa, tímarita og dagblaða.

Markmið:

Markmið námskeiðsins er að veita þátttakendum góða þekkingu á umbroti og framleiðsluferli fréttabréfa, dagblaða og tímarita í Adobe InDesign. Áhersla er lögð á góða uppsetningu, skilvirk vinnubrögð og faglegan frágang efnis fyrir prent og stafræna miðla. Þátttakendur læra að nýta helstu verkfæri forritsins á markvissan hátt og tileinka sér verklag sem notað er í faglegu umbroti þar sem miklu máli skiptir að huga að kostnaði og nýta tímann vel. Allir þátttakendur brjóta um 8 síðna tímarit.

Á námskeiðinu verður fjallað um:

Á námskeiðinu verður farið í helstu þætti framleiðslu og umbrots í Indesign.

• Framleiðsluferlið, tíma- og verkáætlanir
• Uppsetningarreglur og almennar verkreglur
• Textavinnslu og leturmeðferð
• Notkun stíla og skipulag efnis
• Mynda- og síðuuppsetningu
• Litastillingar og undirbúning fyrir prent
• Prentstillingar og útflutning (PDF o.fl.)
• Góð ráð í framleiðsluferlinu sem flýta fyrir vinnu og auka gæði.
• Samskipti við verkkaupa

Að loknu námskeiði á nemandi að:

• Hafa skilning á öllu framleiðsluferlinu frá hugmynd að fullunnu verki
• Geta sett upp og brotið um einfalt til meðalflókið efni í Adobe InDesign
• Geta unnið með texta, myndir og stíla á skilvirkan og faglegan hátt
• Geta undirbúið efni fyrir prent og stafræna birtingu
• Þekkja helstu vinnubrögð sem stuðla að betri gæðum og tímasparnaði
• Geta átt fagleg samskipti við verkkaupa og unnið eftir verkáætlun

Aðrar upplýsingar:

Kennari námskeiðsins. Sæmundur Freyr Árnason, er þrautreyndur í umbroti dagblaða, tímarita og fréttabréfa og starfaði sem framleiðslustjóri Fréttablaðsins í fjölda ára.