Grunnatriði litastýringar: Sérð þú réttu litina?

Fyrir hverja:

Þetta námskeið hentar öllum sem vinna með umbrot, ljósmyndun, myndvinnslu, grafíska hönnun eða annað sjónrænt efni þar sem nákvæmni í litum skiptir máli.

Markmið:

• Skilja grundvallaratriði litastýringar og hvers vegna hún skiptir máli
• Læra að kalibrera skjái á réttan hátt, sérstaklega á Mac tölvum
• Kynnast tækjum og hugbúnaði sem tryggja nákvæmni
• Forðast algeng mistök í litavinnslu
• Betra vinnuflæði
• Nýta rétt liti í öllum skrefum – frá hönnun/töku til prentunar eða birtingar á netinu
• Sparnaður á tíma og peningum fyrir fagfólk

Lýsing:

Við eyðum mestum tíma með myndirnar okkar á skjánum – að vinna með þær, fínpússa og deila þeim. En ef skjárinn sýnir ekki rétta liti, hvernig getum við þá treyst því að myndirnar okkar líti út eins og við viljum?

Á þessu námskeiði kynnir Art Suwansang einfaldar og árangursríkar aðferðir til litakalibreringar. Þú lærir að setja upp skjáinn þinn á réttan hátt, hvaða tæki og stillingar skila raunverulegri litaupplifun – og hvers vegna vélbúnaðarkalibrering getur skipt öllu máli, sérstaklega ef þú ætlar að skila af þér góðu prentverki.

Aðrar upplýsingar:

Art Suwansang sérfræðingur í litastýringu og kalibreringu kennir á þessu námskeiði. Siggi Ármanns hönnuður verður honum til halds og trausts. Endilega komið með ykkar eigin fartölvur ef þið viljið láta líta á litastillingar.