Námskeiðið er ætlað öllum sem vinna eða bera ábyrgð á framkvæmd vinnu í hæð – verkstjórum, öryggisverðum, iðnaðarmönnum, byggingaraðilum og öðrum sem þurfa að þekkja reglur og öryggiskröfur.
Að þátttakendur læri að meta áhættu og framkvæma vinnu í hæð á öruggan hátt, samkvæmt gildandi reglugerðum og viðurkenndum starfsvenjum.
Á námskeiðinu er fjallað um öryggisatriði tengd vinnu í hæð og nauðsyn þess að framkvæma áhættumat áður en vinna hefst. Farið er yfir notkun verkpalla, handriða, hlera, stigakerfa, lyftubúnaðar, fallbeltis og línubúnaðar. Kynnt er nýleg reglugerð um röraverkpalla og farið yfir örugga notkun tækja eins og hjólapalla, hengiverkpalla, skæralyfta og vinnuvéla sem notaðar eru til að lyfta fólki. Námskeiðið fjallar einnig um skráningu og tilkynningu falltengdra slysa og skoðar tölfræði slíkra atvika.Kennslan fer fram í fjarfundi með myndrænni framsetningu og raunhæfum dæmum úr íslenskum aðstæðum.
Námskeiðið fer fram í gegnum Google Meet. Þátttakendur þurfa tölvu með nettengingu. Ekki er krafist forþekkingar.
Hagnýtar upplýsingar:
Stutt áhættugreining:
Vinna í hæð felur í sér hátt áhættustig ef öryggisreglum er ekki fylgt. Rétt áhættumat og notkun viðeigandi fallvarnabúnaðar skiptir sköpum. Með fræðslu og vandaðri undirbúningsvinnu má draga verulega úr líkum á slysum og alvarlegum meiðslum.
Iðan er í samstarfi við Vinnuverndarnámskeið ehf. Skólinn var stofnaður í desember 2021 af Eggerti Björgvinssyni, Guðmundi Kjerúlf og Leifi Gústafssyni og býður upp á fjölda vinnuverndar- og vinnuvélanámskeiða. Félagsmenn Iðunnar njóta sérkjara hjá Vinnuverndarnámskeið ehf þegar skráning fer fram hjá Iðunni.