Námskeiðið er ætlað öryggistrúnaðarmönnum, öryggisvörðum og öðrum sem gegna hlutverki í vinnuvernd, t.d. innan öryggisnefnda eða í stjórnun á vinnustað.
Að veita þátttakendum skýra yfirsýn yfir hlutverk sitt í öryggismálum og veita þá þekkingu og verkfæri sem nauðsynleg eru til að framkvæma áhættumat og tryggja öruggt vinnuumhverfi.
Á námskeiðinu er farið yfir hlutverk öryggistrúnaðarmanna, öryggisvarða og öryggisnefnda, ásamt lögum og reglugerðum sem gilda um vinnuvernd. Fjallað er um helstu þætti sem snúa að heilsu og öryggi starfsmanna, s.s. líkamsbeitingu, vélbúnað, inniloft, hávaða, lýsingu, efni, og sálfélagslegt vinnuumhverfi með áherslu á einelti og áreitni. Sérstök áhersla er lögð á áhættumat starfa – framkvæmd þess, úrvinnslu og eftirfylgni.Námskeiðið er kennt í fjarnámi. Viku fyrir fjarfund fá þátttakendur aðgang að fyrirlestrum og verkefnum. Þeir skoða efnið sjálfstætt og ljúka síðan námskeiðinu með þátttöku í lifandi útsendingu í gegnum Google Meet.
Fjarnámsform tryggir sveigjanleika, aðgangur að efni námskeiðsins fá þátttakendur áður en námskeiðið hefst. Nauðsynlegt er að hafa aðgang að tölvu með tengingu við Google Meet.
Námskeiðið fjallar sérstaklega um áhættugreiningar og vinnuvernd, og felur í sér litla eða enga líkamlega áhættu þar sem það er kennt í fjarnámi. Áhættan felst fremur í því að vinna með viðfangsefni sem geta haft raunveruleg áhrif á öryggi annarra. Því er mikilvægt að ná góðum skilningi á efninu og vera virkur í verkefnavinnu.
Iðan er í samstarfi við Vinnuverndarnámskeið ehf. Skólinn var stofnaður í desember 2021 af Eggerti Björgvinssyni, Guðmundi Kjerúlf og Leifi Gústafssyni og býður upp á fjölda vinnuverndar- og vinnuvélanámskeiða. Félagsmenn Iðunnar njóta sérkjara hjá Vinnuverndarnámskeið ehf þegar skráning fer fram hjá Iðunni.