Fyrir kælitæknimenn sem stefna að opinberri vottun samkvæmt reglugerðum um meðhöndlun flúoraðra kælimiðla og vilja styrkja verklega og fræðilega hæfni sína fyrir hæfnispróf.
Að þátttakendur öðlist þá þekkingu og færni sem nauðsynleg er til að standast hæfnisvottun í kæli- og frystitækni samkvæmt kröfum Umhverfisstofnunar (UST).
Námskeiðið miðar að undirbúningi fyrir hæfnisvottun í kælitækni og lýkur með vottunarmati í samráði við kennara. Farið er yfir Kyoto- og Montreal-bókanirnar, uppbyggingu kæli- og frystikerfa, tákn og táknmyndir, mælitæki og notkun þeirra, ásamt áhrifum yfirhitunar og undirkælingar. Námskeiðið tekur einnig á reglugerðum um kælimiðla (nr. 1066/2019, 517/2014, 590/2018 og 2067/2015), ásamt meðferð kælimiðils og smurolíu. Þátttakendur læra að sinna viðhaldi, bilanagreiningu, lekaeftirliti og framkvæmd lóðninga á öruggan hátt. Lokamarkmið er að nemandi þekki hvað er leyfilegt og hvað ekki varðandi flúoraða kælimiðla og sé tilbúinn í hæfnispróf.
Próf tekur allt að 6 klst. og fer fram í samráði við kennara. Námskeiðið fer fram hjá Iðunni fræðslusetri. Vottunin er í samræmi við kröfur Umhverfisstofnunar.
Hagnýtar upplýsingar:
Stutt áhættugreining:
Verkleg kennsla með kælimiðlum og viðkvæmum búnaði krefst vandaðs verklags og notkunar réttra hlífðarbúnaðar. Óviðeigandi meðhöndlun getur valdið slysum eða skaðlegri útsetningu fyrir efnum. Með öflugu fræðilegu og verklegu námi er áhætta lágmörkuð og öryggi tryggt.
Kristján Kristjánsson, starfaði um árabil sem sviðsstjóri málm- og véltæknigreina hjá Iðunni en áður hafði hann unnið sem vélstjóri á sjó og komið að kennslu og þróunarvinnu í Namibíu.