Hjólaviðgerðir

Fyrir hverja:

Námskeiðið er ætlað öllum sem vilja öðlast færni í að viðhalda og sinna grunnviðgerðum á reiðhjólum – hvort sem það eru iðnaðarmenn, foreldrar eða áhugafólk um hjól. Ekki er gerð krafa um fyrri reynslu af reiðhjólaviðgerðum.

Markmið:

Að þátttakendur öðlist grunnfærni í viðhaldi og einföldum viðgerðum á reiðhjólum og geti sinnt öryggisskoðun.

Lýsing:

Þetta er þriggja kvölda staðnámskeið sem veitir þátttakendum innsýn í almennar viðgerðir og viðhald reiðhjóla. Fyrsta kvöldið fer fram fræðsla og undirbúningur, en síðari kvöldin eru verkleg – hver þátttakandi vinnur með sitt eigið hjól í einstaklingsmiðaðri vinnustöð með aðstoð kennara eftir þörfum.

Lögð er áhersla á þátttöku, virkni og góða stemningu. Kennt er í litlum hópi þar sem hverjum þátttakanda er sinnt af natni.

Aðrar upplýsingar:

• Ekki þarf forkunnáttu, en þátttakendur þurfa að geta lyft hjólinu sínu í viðgerðastand.
• Hver kemur með sitt eigið hjól – helst gírahjól í nothæfu ástandi. Hjól með innbyggðum gírum henta síður.
• Nauðsynlegt er að tilgreina hjólatýpu við skráningu, eða óska eftir að fá hjól lánað.
• Innifalið í verði:
  • Notkun á verkfærum og búnaði
  • Öryggisbúnaður (hlífðargleraugu og einnota hanskar)
  • Grunnvarahlutir (barkar, vírar, vírendar), olíur og smurefni
• Aðrir íhlutir og varahlutir eru ekki innifaldir en reynt verður að útvega þá í samráði við þátttakendur.
• Aðeins 6 pláss í boði – skráðu þig tímanlega!

Hagnýtar upplýsingar:

• Dagsetningar: 6., 7. og 13. maí
• Tímasetning: Kl. 17:30 – 20:30
• Lengd: 9 klst.
• Kennari: Hugi Jónsson, fyrir hönd Rafmennt
• Námsmat: Þátttaka og verkefnavinna
• Staðsetning: Rafmennt, Stórhöfði 27, 1. hæð
• Verð:
  • Fullt verð: 39.900 kr.
  • Verð fyrir félagsmenn Iðunnar: 14.900 kr.
• Tengiliður: Valdís Axfjörð Snorradóttir – [email protected]

Stutt áhættugreining:

Lágmarksáhætta tengist notkun á handverkfærum og smáhlutum. Tryggt er að þátttakendur noti viðeigandi öryggisbúnað (hlífðargleraugu og hanska). Vinnuumhverfi er öruggt og kennari veitir leiðsögn í öllum verklegum þáttum.