Fusion 360

Fyrir hverja:
Námskeiðið hentar öllum sem vilja læra að teikna í tölvu með einföldum og aðgengilegum hætti án mikils kostnaðar. Sérstaklega gagnlegt fyrir nemendur og fagfólk í málm- og véltæknigreinum, en nýtist einnig vel þeim sem hafa áhuga á hönnun og vilja færa hugmyndir sínar í teikningar og þrívídd.

Markmið:
Að kenna þátttakendum að nýta Fusion 360 teikniforritið á skilvirkan hátt til að skapa, vista og undirbúa teikningar fyrir þrívíddarprentun. Einnig að veita innsýn í hönnunarferla sem tengjast málm- og vélaiðnaði.

Á námskeiðinu verður fjallað um:

• Uppsetningu og skráningu í Fusion 360
• Grunnatriði í þrívíddarteikningu: skissugerð, togun, vörpun, fylki, göt og vinnulínur
• Vistun skráa fyrir þrívíddarprentun
• Gerð vinnuteikninga
• Fjötrun, málmbeygjur og samskeytingu
• Einföld hreyfimyndagerð
• Teikniaðferðir sem nýtast í málmiðnaði

Að loknu námskeiði á nemandi að:

• Geta sett upp og virkjað Fusion 360 teikniforritið
• Hafa færni í að búa til grunnskissur og umbreyta þeim í þrívíddarlíkön
• Geta vistað og undirbúið teikningar fyrir þrívíddarprentun
• Nýta helstu aðgerðir og eiginleika forritsins við hönnun og samsetningu