Þetta námskeið er fyrir fólk sem þarf að fást við raka og myglu í húsum.
Markmið námskeiðsins er að kynna helstu aðferðir við hreinsun á raka- og myglusvæðum.
Farið er yfir aðferðir til að meta myglu, mæla raka í byggingarefnum og fara yfir túlkun niðurstaða. Kynntar verða lauslega niðurstöður rannsókna vegna efnanotkunar og annarra aðferða við hreinsun á myglu. Fjallað verður um enduruppbyggingu og verkferla við hreinsun á afmörkuðum rýmum og bent á atriði til umhugsunar við notkun byggingarefna.
Æskilegt er að þátttakendur hafi setið fyrra námskeiðið Raki og mygla í húsum 1 en er þó ekki skilyrði.
Benjamín er húsasmiður og byggingatæknifræðingur. Hann hefur breiða starfsreynslu innan byggingargeirans en hefur undanfarin áratug unnið mikið við ástandsskoðun húsnæðis, með sérhæfingu í málefnum tengdum rakaskemmdum, almennri innivist og loftgæðum. Undanfarið hefur hann færst meira í ráðgjöf og sölu á loftskiptakerfum í byggingar. Hann hefur einnig starfað við hönnun og ráðgjöf á verkfræðistofum og við verkefnaumsjón hjá verktakafyrirtækjum.