Grunnnámskeið vinnuvéla – „Stóra vinnuvélanámskeiðið“

Fyrir hverja:

Námskeiðið hentar öllum sem vilja eða þurfa að vinna á réttindarskyldum vinnuvélum, námskeiðið veitir bókleg réttindi á allar gerðir vinnuvéla. Full réttindi fást eftir, verklega þjálfun og stöðumat.

Markmið:

Að veita þátttakendum bóklega þekkingu og réttindi til að hefja verklega þjálfun á öllum vinnuvélum sem eru réttindaskyldar á Íslandi.

Lýsing:

Grunnnámskeið vinnuvéla – einnig þekkt sem „stóra námskeiðið“ – fer fram sem sveigjanlegt vefnám þar sem þátttakendur geta hafið nám hvenær sem er og lært á eigin hraða. Námsefnið samanstendur af stuttum fyrirlestrum, ítarefni og krossaspurningaverkefnum sem þarf að leysa til að komast áfram. Lokapróf er haldið í kennslustofu eða í fjarnámsmiðstöð í samráði við þátttakanda.

Uppbygging námskeiðs:

• 1–2: Kynning, vinnuverndarlög og reglugerðir, sálfélagslegt vinnuumhverfi
• 3–5: Eðlisfræði, vélfræði, vökvafræði og stöðugleiki vinnuvéla
• 6–10: Kranatækni (A–D skráningarflokkar)
• 11–16: Jarðvinnuvélar (E–I skráningarflokkar)
• 17–18: Lyftitæki og lyftarar (J–K)
• 19: Vélbúnaður á vegum og í iðnaði (L–M)
• Lokaorð og próf: Undirbúningur og framkvæmd bóklegs prófs

Aðrar upplýsingar:

• Bóklegt lokapróf er haldið reglulega í Rafmennt, Stórhöfða 27, Reykjavík og á landsbyggðinni í samstarfi við fjarnámsmiðstöðvar.
• Verkleg þjálfun og próf fara fram á vinnustöðum undir leiðsögn leiðbeinanda með kennsluréttindi. Vinnueftirlitið gefur út vinnuvélaskírteini að lokinni verklegri þjálfun og prófi.
• Námsefnið má horfa á og verkefni leysa eins oft og hver vill.
• Námskeiðið byggir á samþykktri námskrá Vinnueftirlitsins.
• Námskeiðið veitir réttindi á alla 14 flokka vinnuvéla sem réttindaskyldar eru á Íslandi.

Hagnýtar upplýsingar:

• Lengd: Breytileg, nemandi stýrir hraðanum sjálfur
• Námsmat: Verkefnavinna og bóklegt lokapróf
• Kennari: Vinnuverndarnámskeið ehf
• Staðsetning: Fjarnám + bóklegt próf í kennslustofu eða fjarnámsmiðstöð