Undirbúningsnámskeið fyrir sveinspróf í stálsmíði

Fyrir hverja:

Námskeiðið er ætlað einstaklingum sem stefna á að þreyta sveinspróf í stálsmíði og vilja skerpa á helstu verklegum og bóklegum þáttum sem koma fyrir á prófi.

Markmið:

Að efla færni þátttakenda í helstu vinnuaðferðum og tækni stálsmíði ásamt því að undirbúa þá markvisst fyrir sveinspróf.

Á námskeiðinu verður fjallað um:

• Þjálfun í vinnu með teikningar og útflatninga
• Æfingar í pinnasuðu
• Æfingar í MIG/MAG-suðu
• Æfingar í TIG-suðu
• Æfingar í logsuðu
• Yfirferð eldri prófa og dæma

Að loknu námskeiði á nemandi að:

• Geta lesið og túlkað teikningar og útflatninga
• Beita réttum vinnuaðferðum við mismunandi suðuaðferðir (pinna-, MIG/MAG-, TIG-, og logsuðu)
• Sýna færni í meðhöndlun logsuðuverkfæra
• Þekkja helstu prófaform og verkefni sem koma fyrir á sveinsprófi
• Vera betur í stakk búinn til að standast sveinspróf í stálsmíði

Aðrar upplýsingar:

• Forkröfur: Hafa lokið stálsmíðanámi og ferilbók
• Klæðnaður: Hlífðarfatnaður

Stutt áhættugreining:

Á námskeiðinu er unnið með suðutæki, loga og heitt efni. Áhersla er lögð á rétta notkun hlífðarbúnaðar og öryggisreglna.