Gerð myndbanda fyrir samfélagsmiðla

Fyrir hverja:

Námskeiðið hentar bæði byrjendum og þeim sem hafa reynslu af því að búa til efni fyrir samfélagsmiðla en vilja bæta vinnubrögðin og ná betri árangri. Þetta námskeið er alfarið kennt í fjarnámi.

Markmið:

Markmið námskeiðsins er að efla þekkingu og færni til að framleiða vönduð og grípandi myndbönd sem vekja athygli á samfélagsmiðlum. Að loknu námskeiði eiga þátttakendur að geta skipulagt, tekið upp, klippt og birt efni á árangursríkan hátt.

Á námskeiðinu verður fjallað um:

• Hugmyndavinnu og skipulagningu efnis
• Grunnatriði myndbandsupptöku (myndavélarstillingar, ljós og hljóð)
• Klippingu og eftirvinnslu í Adobe Premiere eða Edits
• Aðlögun efnis fyrir ólíka miðla (Instagram, Facebook, TikTok, YouTube Shorts)
• Aðferðir til að hámarka áhorf og dreifingu
• Helstu ráð til að búa til efni sem grípur og heldur athygli

Að loknu námskeiði á nemandi að:

• Geta framleitt einföld og vönduð myndbönd fyrir samfélagsmiðla
• Beita grunnatriðum í upptöku, lýsingu og hljóðvinnslu
• Nota Adobe Premiere eða Edits til að klippa og setja saman efni á skilvirkan hátt
• Aðlaga myndbönd fyrir mismunandi miðla og markhópa
• Þekkja helstu leiðir til að auka sýnileika og áhorf á samfélagsmiðlum

Aðrar upplýsingar:

Þátttakendur þurfa að hafa aðgang að Adobe Premiere. Sérstakur gestur á þessu námskeiði verður Birna Rún Eiríksdóttir leikkona, en hún hefur slegið í gegn á samfélagsmiðlum TikTok að undanförnu. Þar má finna stórskemmtileg heimagerð myndbönd þar sem hún beinir spjótum sínum ekki síst að sjálfum sér ásamt hinum ýmsu hversdagslegum málefnum. Í sinni heimsókn mun Birna fara yfir sína vegferð á samfélagsmiðlum, hennar nálgun á miðilinn, auk þess sem hún gefur nemendum góð ráð sem vilja tileinka sér efnissköpun fyrir samfélagsmiðla.