3D prentun framhald

Fyrir hverja:

Námskeiðið hentar iðnaðarmönnum, verkfræðingum, tækniteiknurum og öðrum notendum þrívíddarprentara sem vilja öðlast meiri færni í prenttækni og efnisnotkun. Þátttakendur þurfa að hafa grunnþekkingu á 3D prentun, þar á meðal notkun sneiðforrita og stýringu prentara.

Markmið:

Að dýpka þekkingu og verklega færni þátttakenda í þrívíddarprentun með áherslu á flóknari prentverkefni, ný/mismunandi efni og ólíkar prentaðferðir.

Á námskeiðinu verður fjallað um:

• Notkun resínprentara (SLA/DLP) og öryggisatriði við meðhöndlun efna
• Málmprentun með mismunandi aðferðum og nauðsynleg eftirvinnsla
• Prentun með flóknari efnum t.d. ABS, PETG, nælon, PC, PPS-CF o.sfr.
• Flókin prentlíkön, stoðbyggingar og fínstilling sneiðiforrita
• Viðhald búnaðar, stillingar og frágang á prentuðum hlutum

Að loknu námskeiði á nemandi að:

• Geta notað resínprentara á öruggan og árangursríkan hátt
• Skilja og framkvæma undirstöðuatriði í málmprentun og meta möguleika í iðnaði
• Beita fínstillingum á prentara og hugbúnað fyrir flóknari efni
• Skipuleggja og framkvæma flókin prentverkefni með stuðningsbyggingum
• Framkvæma reglubundið viðhald og frágang prentaðra hluta í takt við efnisval

Aðrar upplýsingar:

• Þátttakendur eiga að koma með eigin fartölvu og góða tölvumús
• Prentarar eru fyrir alla á staðnum, Bambu Lab A1, P1S, X1C og H2D, ásamt Raise3D Forge 1 málmprentara og resin prenturum.