Skyndihjálp

Fyrir hverja:

Þetta námskeið er nauðsynlegt fyrir allt starfsfólk á byggingarvinnustöðum.

Markmið:

Markmið þess er að kenna þátttakendum viðbrögð við slysum.

Á námskeiðinu er fjallað um:

• Undirstöðuatriði skyndihjálpar og endurlífgunar.
• Hvernig beita megi á öruggan hátt einföldum aðferðum í skyndihjálp.
• Sálræna fyrstu hjálp
• Endurlífgun og notkun hjartastuðtækis
• Aðskotahluti í hálsi
• Bráð veikindi.
• Slys og áverka.
• Aðstoð í bráðatilfellum og fá þátttakendur þjálfun henni.

Að loknu námskeiði á nemandi að:

• Geta sýnt fram á þekkingu og hæfni við að tryggja öryggi á vettvangi, meta aðstæður og framkvæma skoðun og mat.
• Geta ákveðið hvenær eigi að virkja viðbragðskeðjuna, með því að hringja í 112, til að fá frekari aðstoð.
• Geta borið kennsl á og veitt sálræna fyrstu hjálp vegna áfalla.
• Geta sýnt fram á þekkingu, leikni og hæfni í endurlífgun með hjartahnoði, öndunarblástrum og notkun á hjartastuðtæki.
• Geta sýnt fram á leikni og hæfni í teymisvinnu í endurlífgun.
• Geta borið kennsl á og veitt viðeigandi skyndihjálp vegna slysa og áverka.
• Geta borið kennsl á og veitt viðeigandi skyndihjálp vegna bráðra veikinda.
• Geta borið kennsl á og veitt viðeigandi skyndihjálp vegna aðskotahlutar í hálsi.

Annað:

Námskeiðið er haldið í samvinnu við Rauða krossinn og fá þátttakendur skírteini frá honum að loknu námskeiði.